قــبـــل الـفـــراق

لـحظه قبل لا تطلـب البعـد وتغيـب****وتنهي معايـه مرحلـه مـن حياتـك

أخـذ الهدايـا والصـور والمكاتيـب****دامي خسرتـك مـا أبـي ذكرياتـك

يـمكـن يكـون فراقنـا رأيٍ مصـيـب****خيـره .. كتبهـا الله جتنـي وجاتـك

مع اني ادري انـت ماعنـك تـجنيـب****كنك موصـينـي وقاضـب وصاتـك

رح واترك بقلبـي لك أربع معازيـب****معزتـك طاريـك حبـك غـلاتـك

وإن شفتنـي أجـمع شتاتي ..ماهو عيبـب****اذكـر مـع الأيـام تجمـع شـتاتـك

وإن شفتنـي شايل جـروحٍ معاطيـب****باكر يصـيـر الجـرح أبـرز صـفاتـك

أكبر مصـيبه فـي زمـان العذاريـب****إنّـي أحبـك وأنـت حبـك لذاتـك

الطيب لـو إنـك تـجازيـه بالطيـب****ماكان تالـي الوقـت هـذي سواتـك

يا صاحبـي لا صرت أغلا الأصاحيب****لا تزعل بكيفـك وتطلـب رضاتـك

أنـا حبيبـك مبعـد الشـوح مانيـب****من ضـيّـع جهاتـه .. يـدور جهاتـك

إن كـان ماعديـت روس المراقيـب****ماني كفو أصـلاً أنـام فـي عباتـك

شفنـي مقدر عنـد عكـف الأشانيـب****مانيب مـن تومـي عليـه بعصاتـك

رح للفراق إللـي تركنـا مصاويـب****شـمّت اعداتي قبـل تشـمّـت أعداتـك

الله معك .. رح وين مـاودك تغيـب****هذي حياتك .. وأنـت حـر بـحياتـك





ارجو انت تنال بأعجابكم

شاكر لك اخوي على المرور وارجو من الجميع ان تنال باعجابهم هذه الابيات

وشكراااااااا للجميع

وإن شفتنـي شايل جـروحٍ معاطيـب****باكر يصـيـر الجـرح أبـرز صـفاتـك

البيت هذ اعجبني

ومشكور لى القصيد الحلوه مثلك

الله يعطيك العافيه
تقبل دوريتي